luns, 27 de decembro de 2021

UN CANTO DE NADAL

Os nenos e nenas de 2ºA deséxanvos un bo Nadal con este canto. Esperamos que vos guste. Premede na imaxe para acceder.

Felices festas!


martes, 21 de decembro de 2021

COMUNICACIÓN PARA O ALUMNADO DE 2ºA

 Modifícación do libro para mercar no Nadal. O libro final é:

- Problemas en el Olimpo, Ana Alonso. Ed. Anaya. ISBN: 978-84-698-8592-5



GUÍA DE LECTURAS NADAL 2021

 Os equipos de biblioteca  e dinamización lingüística do colexio achégannos un ano máis esta guía con recomendacións de lecturas clasificadas por nivel lector. Botádelle unha ollada, igual atopades algún libro para incluír nas vosas cartas aos Reis, Apalpador, Papá Noel...

venres, 3 de decembro de 2021

Repaso de Ciencias Sociais

 Seguindo co repaso de contidos en liña, deixamos as seguintes fichas interactivas para repasar as parroquias de Rianxo e as provincias galegas.

venres, 26 de novembro de 2021

MÁIS REPASO EN LIÑA: APARATO RESPIRATORIO E CIRCULATORIO

 Continuamos co repaso dos aparatos do corpo humano. Esta vez deixamos enlaces para repasar o respiratorio e o circulatorio. Premede nas imaxes para acceder.




mércores, 24 de novembro de 2021

XOGANDO COS NÚMEROS

Deixamos baixo estas liñas unha recompilación de xogos de numeración (series,ordear, ...).

Para acceder, premede na imaxe e, unha vez no documento, só teredes que premer no enlace escollido para acceder a cada xogo.


luns, 15 de novembro de 2021

O uso/abuso das pantallas nas crianzas: efectos no desenvolvemento

 Damos difusión a esta interesante charla que terá lugar no Auditorio Municipal de Rianxo o vindeiro luns 22 de novembro. O aforo é limitado e a inscrición tramítase no colexio. A data límite é o mércores 17 de novembro ás 14:00h.



venres, 12 de novembro de 2021

Máis repaso en liña

 Esta semana deixamos novas propostas de repaso en liña. Esperamos que vos resulten de utilidade. Premede nas imaxes de cada xogo para acceder.

Comezamos cun xogo das horas. Recomendamos probar nos tres niveis, pois van aumentando a dificultade:

Continuamos cun xogo de euros e céntimos:
E para rematar, repasamos o aparato dixestivo: 




domingo, 24 de outubro de 2021

AXÚDANOS A AXUDAR

 Con motivo da erupción do volcán da Palma, nas aulas estivemos a traballar o tema dos volcáns. Os nenos e nenas tamén amosaron interese pola xente da Palma e decidimos realizar unha campaña de axuda. 

Nas aulas realizamos estes carteis para animar á xente a enviar axuda. Escollemos o Cabildo da Palma por tratarse dunha entidade oficial.

A idea é que cada familia escolla un cartel e o pase por Whatsapp entre familiares e amigos, animando a que estes tamén o reenvíen.

A continuación deixamos os carteis de cada aula. Premede nas imaxes para acceder e poder descargar o que escollades.

Grazas de antemán pola colaboración.







venres, 22 de outubro de 2021

Proposta para a celebración do Samaín

 O EDLG (Equipo de Dinamización da Lingua Galega) do colexio achéganos a seguinte proposta de cara á celebración do Samaín.


venres, 8 de outubro de 2021

GARAVANCIÑO

Compartimos o vídeo do conto Garavanciño para que os nenos/as poidan practicar na casa contándollo ás súas familias.

martes, 5 de outubro de 2021

PRESENTACIÓN DE INICIO DE CURSO

 Durante este curso as reunións presenciais continuarán a ser a excepción. Por este motivo, no canto de celebrar a reunión inicial de grupo con todas as familias, compartimos aquí unha pequena presentación coa información importante e as normas relativas ao curso actual. Ante calquera dúbida, contactade connosco e trataremos de solucionala.

venres, 1 de outubro de 2021

PASAPALABRA SOBRE OS VOLCÁNS

 Seguimos traballando o tema dos volcáns na aula. Deixamos aquí o pasapalabra que vimos na aula para que o practiquedes tamén na casa.

venres, 24 de setembro de 2021

OS VOLCÁNS

Estes días nas aulas de 2º estamos a falar moito sobre os volcáns. Os nenos e nenas estiveron traendo ás aulas numerosos traballos realizados por eles mesmos arredor deste tema.

E, como se pode aprender xogando, compartimos o seguinte Genially que hoxe vimos nas aulas.

(Elaborado por Elena Nubes e Noelia Suárez)

                                                                  

venres, 3 de setembro de 2021

ESTAMOS DE VOLTA!

Xa somos de segundo!

Rematadas as vacacións do verán pronto volveremos á aula con moitas ganas de comezar o novo curso.

Deixámosvos a continuación a lista de material escolar. Premede na imaxe para ampliala ou descargala.



mércores, 23 de xuño de 2021

GUÍA DE LECTURAS RECOMENDADAS PARA O VERÁN

 Dende a biblioteca escolar achégannos esta guía de recomendacións lectoras. Todos os libros que aparecen nela están dispoñibles na biblioteca municipal. Animádevos a visitala este verán!

Se queredes facer a vosa propia recomendación, podedes facelo nos comentarios.

venres, 4 de xuño de 2021

5 de xuño, Día Mundial do Medio Ambiente

Cada ano, o 5 de xuño celébrase o Día Mundial do Medio Ambiente.
Con motivo desta celebración, propoñémosvos a seguinte actividade: elaborar un xogo/xoguete reutilizando materiais que teñades pola casa.
A continuación deixámosvos algunhas ideas. Animádevos a participar!

martes, 25 de maio de 2021

martes, 11 de maio de 2021

O CASTELO DA LÚA

 Os nenos e nenas de 1ºA traballaron na aula a lenda do Castelo da Lúa e a partir dela fixeron este fantástico conto. Son uns artistas! Esperamos que vos guste!

LETRAS GALEGAS 2021: XELA ARIAS

Xela Arias é a homenaxeade no Día das Letras Galegas deste ano. Compartimos a presentación e o vídeo que imos traballar nas aulas.

Preme na imaxe para acceder.

martes, 27 de abril de 2021

Recomendacións lectoras dos nenos e nenas de 1º

 No blog da biblioteca (bibliotecacastelao.blogspot.com) publicaron algunhas das recomendacións lectoras dos nenos e nenas de 1º que xa se animaron a participar. Premede na imaxe para acceder á publicación e se vos apetece facer a vosa propia recomendación, ata que remate abril aínda estades a tempo!


mércores, 14 de abril de 2021

O Sol, o aire e a auga

 Estes días imos comezar a traballar este tema na aula polo que vos deixamos as presentacións para poder velas tamén na casa.


domingo, 21 de marzo de 2021

DÍA MUNDIAL DA POESÍA

Hoxe 21 de marzo celébrase o Día Mundial da Poesía. No ano 1999 a UNESCO adoptou a celebración deste día co obxectivo de apoiar a diversidade lingüística a través da expresión poética e fomentar a visibilización das linguas minoritarias.

Este día é tamén unha ocasión para honrar aos poetas, fomentar a lectura e promover a escritura e a ensinanza da poesía. Por todo isto a continuación deixámosvos o poema Cantarola dos nenos, de Xosé Neira Vilas, recollido no libro Cantarolas de Kalandraka que, ademais, está ilustrado por Leandro Lamas, de quen os nenos e nenas de 1º xa coñecen algunhas obras. Esperamos que vos guste e que a recitedes.


martes, 16 de marzo de 2021

PASAPALABRA DOS ANIMAIS

 Hoxe queremos compartir o "Pasapalabra dos animais". Unha maneira divertida de repasar xogando en familia.

martes, 9 de marzo de 2021

AS PLANTAS

 Estes días nas aulas estamos a traballar o tema das plantas. Deixamos a presentación a continuación.

martes, 23 de febreiro de 2021

ENTRE TÍTERES E ROSALÍA

No mes de decembro, algúns membros da compañía Barriga Verde visitaron o colexio para dar a coñecer aos nenos e nenas os títeres tradicionais.  Durante esta visita  ensináronlles a confeccionar uns sinxelos e divertidos títeres de luva. Seguindo esa técnica, esta semana estamos a elaborar nas aulas os nosos "títeres de Rosalía", en relación á conmemoración do Día de Rosalía, que se celebra o 24 de febreiro (data do seu nacemento).

A continuación deixamos un vídeo no que se explica o proceso de elaboración dos títeres. Son moi sinxelos e con materiais que todos temos na casa. Animádevos a construír algún en familia!

luns, 15 de febreiro de 2021

ENTROIDO 2021

 Neste curso tan pouco habitual non puidemos celebrar o tradicional pasarrúas. Pero isto non impediu que os nenos e nenas de 1º celebrasen o Entroido, aínda que dun xeito diferente.

A continuación compartimos convosco dous vídeos coas fotos do Entroido. 

Vídeo de 1ºA


Vídeo de 1ºB


domingo, 7 de febreiro de 2021

OS ANIMAIS

 Estes días estamos a traballar nas aulas o tema dos animais. A continuación deixamos a presentación sobre o tema. Premede na imaxe para acceder.



venres, 29 de xaneiro de 2021

Castelao, Día da Paz Escolar e Día da Ilustración

Esta semana, con motivo de diversas conmemoracións, na aula realizamos algunhas actividades relacionadas con Castelao, a paz e o Día da Ilustración.
Comezamos con Castelao e a conmemoración do seu nacemento. Estivemos a traballar a súa figura a través da seguinte presentación e un xogo tipo "pasapalabra". Animádevos a xogar en familia! Premede nas imaxes para acceder.




Tamén traballamos unha adaptación do seu relato Peito de Lobo, elaborado por alumnos/as do colexio en cursos anteriores.

                                           

E como colofón, os nenos e nenas realizaron unha manualidade na que decoraron unha ilustración con unha adaptación dunha frase súa.

En relación a Banksy, a continuación podedes ver unha sinxela presentación con algunhas das súas obras. 




domingo, 17 de xaneiro de 2021

OS BICOS VOLVERÁN

Volvemos publicar esta entrada antiga para que vos sexa máis sinxelo atopar a canción que estamos a traballar nas aulas estes días.
  Trátase dunha adaptación da coñecida Bella Ciao, á que o curso pasado lle adaptamos a letra e a música. Queremos destacar a colaboración de Silvia Ferre, que colaborou connosco poñendo a música e a voz. Moitas grazas Silvia!
Fixemos a montaxe de dous vídeos nos que utilizamos os salvamanteis que naquel momento estaban a facer na aula os nenos e nenas. 
Se tedes problemas para reproducilo, premede na icona da esquina superior dereita de cada vídeo (ver nunha ventá externa).
Este é o vídeo de 2ºA do curso 2019/20:

E este o de 2ºB, curso 2019/20:

A continuación deixámosvos a letra para que aprendades a canción e a cantedes en familia. Premede na imaxe para ampliala:

martes, 12 de xaneiro de 2021

A PROMESA DO CABEZOLO

Neste 2º trimestre imos ver o tema dos animais. Por isto, e para ir introducíndonos no tema, deixamos a seguinte curta elaborada co alumnado en cursos anteriores. Esperamos que vos guste.